Arabako Iratzarriren Asanblada

Maiatzak 15, ostirala

Arratsaldeko 18:00-etan

Gasteizko Aralarren egoitzan

(Izarduy Komandantea kalea, 7)

Hurrengo irailaren 13an, larunbatean, Gasteizen izango da Iratzarriren 1. Kongresuaren inguruko gazte asanblada. Bertan informazioa eta materiala luzatuko da. Zure parte hartzea ezinbestekoa da oraingo honetan!

Bilera Gasteizko egoitzan egingo dugu (Kanpokale berria 4, behea) arratsaldeko 17:00etan, larunbatean. Hator!

El próximo 13 de septiembre, sábado, en Gasteiz tendrá lugar una Gazte asanblada sobre el 1er Congreso de Iratzarri. Allí difundiremos información y materiales. ¡Tu participación es necesaria!

La reunión será en la sede de Gasteiz (Kanpokale berria 4, bajo) a las 17:00 de la tarde del sábado. ¡Acude!

“Euskal gatazkak” konpontzeko gizartearen mobilizazioaren aldeko apustua egiten du Iratzarrik

Iratzarriren Hegoaldeko Koordinakundeak gazteriaren eta euskal gizartearen gatazkak konpontzeko bidean parte hartze eta mobilizaziorako deia berretsi du. Horien artean, ETAk daraman ekintza armatuen jardunaren aurrean kezka agertu du, eta gizartearen borondateari kasu egitea eskatu dio, erahilketekin amaituz. Zentzu horretan Eusko Legebiltzarrak, Aralarren proposamenez onartutako tortura eta inpunitateekin amaitzeko iniziatibaren garrantzia azpimarratu du.

Aralarreko gazteek gizarteari hitza “behingoz” emateko eskatu dute berton bizi garenok herri bezala gure etorkizuna erabakitzeko, eta gogorarazi du demokrazia ez partehartzaile bat, demokrazia mugatua dela. Iratzarriren asanbladak hezkuntzaren merkantilizazioa dakarren Bologna prozesua aipatu du eta “Prozesu honetan Europa garrantzi gutxien duena dela: Interes ekonomiko handien zerbitzura pentsatutako hezkuntza bat bultzatzea helburu duelako” argitu du.

Hegoaldeko koordinakundeak “Euskal Herria ekologiko eta iraunkor” baten alde apustua egin du, eta horregatik gazteriari dei bat egin dio Gelditour ekimenaren barruan, Abiadura Handiko Trenaren aurka deiturik dauden mobilizazioetan eta eztabaidetan parte hartzeko. Iratzarrik babes publikoa erakutsi dio Gelditourri eta gizartea eta gazteria animatu du AHTren aurka egiten diren ekitaldietan parte hartzeko.

Hauteskundeetako kanpainaren bideoa aurkeztu dute Gasteizen

Iratzarrik hauteskundeetarako “Utzi espainia seduzitzeari” lemapean prestaturiko kanpainaren bideoa aurkeztu zuen Gasteizeko Hika-Ateneoan. Aralarreko zerrendetako postuan dagoen Ruben Oribe Gasteiztarrak eta Favio Gonzalez antolakuntza koordinatzaileak gidatu zuten aurkezpena. Honen ondoren gazteriaren problematikaren inguruko eztabaida irekia egin zuten bertaratutakoek “jarri zure ahotsa XXI.mendeko sozialismoari” kanpainak bilatzen duen parte hartze dinamikarekin jarraituz.

Iratzarrik hauteskunde orokorretarako prestatu duen “Utzi Espainia Seduzitzeari” kanpainaren blog ofiziala aurkeztu du. Bertan botoa eskatzeko 15 egunetan egingo diren ekitaldien inguruko informazioa zabalduko du, eta gazteei ezker abertzale zibil eta zabalaren aldeko bozka eskatuko die.
Utzi Espainia seduzitzeari!

Iratzarrik ordezkaritza izango du Arabako hautes zerrendetan

Iratzarri gazte erakundeko ordezkari bat izango da Arabako Aralarrek hauteskunde nagusietarako prestatu dituen kongresuko zerrendako lau kideen artean. Ruben Oribe Gasteiztarrak 4. postua beteko du zerrenda itxiz.

Iratzarri pozik agertu da “erakundearen indartzea Aralarrek zerrendak egiteko orduan kontuan hartu duelako”, eta babes osoa adierazi die bere hautagaiei. Gainera, adierazi du mobilizazioa hasiko duela euskal autonomiako hiru lurraldeetan bai Nafarroan ezker zibil eta zabalaren presentzia indartzeko eta indar hori hauteskundeetan erakusteko.

Iratzarrik euskal gazteriari esnatu dadin dei egin dio bere lehen nazio jardunaldien harira

Aralarreko gazteriek Araba, Bizkaia, Gipuzkoa eta Nafarroako ekintzaileak bilduko dituzte Gasteizen asteburu honetan zehar “ezkerreko aukera abertzale sendoa” eraikitzeko.

GASTEIZ, AZAROAK 16 / “Gazteria, Euskal Herria, Ezkerra… ESNATZEN!” lemapean, Aralarreko gazteak biltzen dituen Iratzarri erakundeak hamarnaka militante bilduko ditu asteburu honetan Gasteizen ospatuko dituen lehen jardunaldi nazionaletan, dinamika partehartzaileen bidez “debateetan ondorioetara iritsi, eta gazteria ezkertiar eta independentistarentzat proposamenak eta estrategiak lantzeko”

Gazteek zazpi ardatz landuko dituzte: Mugimendu feminista, sindikala, ekologista, genero eta sexu askapena, independentzia XXI. Mendean, politika publikoak eta gazteria, eta nazionarteko elkartasuna eta sozialismoa. Azken hau “La revolución no sera transmitida” Venezuelako prozesu bolibarra lantzen duen dokumentalaren bitartez.

Tailer, eztabaida eta talde dinamiken bidez, Iratzarrik espero du “gazteriaren bitartez, transformatzeko helburua duen eta gehiengo sozial bat bilduko duen ezker abertzale politikoaren oinarri politikoak ezartzea”. Iratzarrik uste du “sozialismoa dela hegoaldeko gazteriak bizi duen egoera larriari erantzuna emateko era, eta independentzia prozesu demokratiko eta partehartzaileen bitartez erabaki esparru bakoitzean, gure herriak bizi duen gatazka politikoaren konponbidea”.

Aralarreko gazterien usteetan “garaia iritsi da gazteria objektuarekin amaitzeko eta subjektu bihurtzeko. Herri honetako gazteok iniziatiba politikoa hartuko dugu, asko baitugu esateko, eta batez ere, asko egiteko.”

Jardunaldien ondorioak, erakundearen independentista eta sozialista ardatzak indartzera gidaturik daudenak, ekimen publiko eta prentsaurreko batean aurkeztuak izango dira azaroaren 18an, Gasteizko Carlos Abaitua gazte aterpetxean, jardunaldiak ospatuko diren lekuan. Aralarreko hainbat zuzendaritzakidek parte hartuko dute ere.

Aralarrek lehenengo aralar jaia ospatuko du Urriaren 28an Berriozarren (Nafarroa)

EGITARAUA

• 12:30–13:00 Harrera
• 13:00–14:30 Agurra, Bertsoak, Brindisa, Emanaldi musikalak, Mintzaldi politikoa eta Gonbidatuei agurra
• 14:30 Bazkaria
• Bazkalostean: Onarpenak, sari banaketa eta zozketak
• 17:30 Dantzaldia
• 19:00 Amaiera
• Umeendako puzgarriak egongo dira, eta Aralarren ardoa zerbitzatuko da.
• Iratzarrik egun guztian zehar edariak zerbitzatzeko barra, eta gazte gunea izango ditu.

Bazkarian izena emateko Iruñako egoitzatik (Aduanaren txokoa 16-18) pasa behar da edo ondorengo telefonora deitu: 948 20 63 62.